Kaŭkazio/Priparolu

Kie estas la limo inter Eŭropo kaj Azio? Ĉu Norda Kaŭkazio estas eŭropa kaj la suda azia? Adigeio laŭnavigile estas en Eŭropo, dum Azerbajĝano enazias.

--[[Bjørn]]

---

Ege komplika demando !

Ĝi ne havas unu difinitan respondon. Inter geografoj ekzistas 5 diversaj variaĵoj, koncernantaj al la limo inter Eŭropo kaj Azio.

(1) Laŭ unua vidpunkto limo inter du mondpartoj koincidas al tiu de fizika-geografiaj unuoj (Kuma-Maniĉa linio) kaj sekve tuta Kaŭkazio situas en Azio.

(2) Limo inter Eŭropo kaj Azio trapasas laŭlonge de Granda Kaŭkaza montoĉeno. Ĉi-tiu versio baziĝas sur diverseco en klimataj kondiĉoj. Ĉi-okaze Norda Kaŭkazio okazas en Eŭropo kaj la suda - en Azio.

(3) Limo inter du mondpartoj trapasas laŭ riveroj Rioni, Kvirila kaj Mtkvari, kiuj dividas Kartvelion en du egalaj partoj. Ĉi-tiu vidpunkto apartenis al Herodoto, antikva greka historiisto.

(4) Objektive aspektas versio pri tio, ke la limo trapasas laŭlonge de Malgranda Kaŭkaza montaro. En ĉi-kazo norde de la limo restas Kartvelio kaj tuta Norda Kaŭkazio, t.e. teritorioj kun pejzaĝoj de eŭropa tipo.

(5) Limo inter Eŭropo kaj Azio trapasas laŭ ŝtata limo de iama Sovetunio. Laŭ ĉi-tiu "pure politika" variaĵo tuta Kaŭkazio apartenas al Eŭropo.

Kiel vi vidas, la (1) kaj la (5) estas ekstremaj kaj restaj - kompromisaj variaĵoj. Estas fakto, ke KULTUTE kaj POLITIKE ni estas eŭropanoj (interalie tiel klasifikas nin ĉiuj internaciaj organizoj, nur UEA trovis originalan solvon: ĉe ĝia hejmpaĝo oni povas vidi Kartvelion en Azio, Armenion en Eŭropo, Azerbajĝanon nenie.), kio tre plaĉas al mi, tamen laŭ mia opinio, GEOGRAFIE la tuta Kaŭkazio apartenas al Azio.

Kio koncernas al navigiloj, ĉe Rusiaj respublikoj tion faris NE mi. Ili povas aspekti jene: Geografio > Azio > Rusio > Adigeio. Ĉe aliaj respublikoj: Geografio > Eŭropo > Rusio > Karelio.

-- Avtandil ABULADZE

Nu, mi faris la navigilojn. Mi nur bezonas klaran difinon, por krei unustilecan sistemon. Ĉu enordas por vi, ke mi grupigas sudan Kaŭkazion sub Azio, kaj la Nordan sub Eŭropo? Laŭ mi pli bonas ke disŝtata Kaŭkazio diskontinentiĝas, ol ke uralokcidenta Rusio - lando kiu jam estas unufoje fendita - situu dukontinente. Ĉu bone?

--[[Bjørn A. BOJESEN]]