Mienoj

Mieno estas kutima Esperanta nomo por tiuj signetoj, kiujn multaj modanoj konas per la nomo Smiley [smajli] ("Ridetulo"), nomo maltrafa, ĉar kapablas multe pli ol gajecon montri mieno, kombino de klavar-signoj uzata por esprimi senton kaŭ modifi la perceptiĝon de frazo je Interreto?, poŝtelefon-mesaĝumado (SMS?) ktp. Pro la fakto, ke multaj ne-lingvaj gestoj perdiĝas en ne-vid-al-vida komunikado, mienoj ekestis kaj evoluis dum la mallonga erao de Interreto.

La plej kutima mieno estas: :-) Ĝi esprimas senton de gajo, ĝojo (rigardu ĝin klininte la kapon maldekstren). Alia ofta mieno estas :-( kiu esprimas malan senton.

Tiuj apartenas al la tielnomataj plenaj mienoj, t. e. mieno konsistanta el almenaŭ 3 signoj. Neplenaj mienoj estas interalie :) kaj :(.

Iritiĝinte pro la bezono ĉiam kap-klini por ĝuste rigardi la signojn, iuj japanoj ekuzis Japanajn mienojn, kiuj rekte "staras" kaj pli bone respegulas orient-azian esprimmanierojn. Egzemploj estas: (^_^) "ĝojo" kaj \(^_^)/ "venkinteco, hura!".

Jen listo de oftaj kaj malpli oftaj mienoj:

Mieno	Signifo
:-)	ĝojo, gajo
:)	-
:-))	ĝojego
:-D	granda rideto
:'-)	feliĉo
:-(	tristo, malkontento
:(	-
:-((	tristego
:->	moketanta rideto
;-)	indikumado, amindumado (per palpebrumoj)
:'(	plorado
>:-(	furiozo
:-/	eta malkontento; dubo
:-|	ne gravas
:-o	miro
:-O	granda miro
:-]	Stulteco
:-*	kiso
B-)	"Mi portas ŝirm-okulvitrojn!"
8-)	"Mi portas okulvitrojn!"
:-!	"Mi fum(em)as!"
:-?	"Mi fum(em)as perpipe!"
8:-)	"Mi portas har-banton!"
:-)8	"Mi estas ino!"
:-):-	"Mi estas iĉo!"
=|:-)	"Mi portas ĉapelon!"
<|-)	"Mi portas tradician orient-aziecan kampar-ĉapelon!"
:-)=	"Mi havas barbon!"
}:-)	"Mi havas imponan hararon!"
(:-)	"Mi ne havas multe da haroj!"
:-[	"Mi estas vampiro?!"
:-)*	"Mi estas esperantisto!"
(8-)=*	"Mi estas Zamenhof!"